Friday, November 22, 2019
Home > कला > बाल प्रतिभा केहेरसिंहलाई युकेबाट आर्थिक सहयोग

बाल प्रतिभा केहेरसिंहलाई युकेबाट आर्थिक सहयोग

  •  
  •  
  •  
  •  
  •  
  •  
  •  

सीता तुम्खेवा, काठमाडौं।

२६ असोज । तेह्रथुम समाज युकेले तेह्रथुम बाल प्रतिभा केहेरसिंह थेगुवा लिम्बूलाई आर्थिक सहयोग प्रदान गरेको छ ।

धरान स्थीत हाङ्कुक रेष्टुरेन्टमा प्रदान गरिएको रकम १ लाख ९७ हजार ८० रूपैया रहेको छ । तेह्रथुम समाज युकेका उपाध्यक्ष मिलन गुरुङको संयोजकत्वमा अध्यक्ष डम्मर सिङ्गक, सचिव जय मादेम्बा लगायत तेह्रथुम युके समाजका सम्पूर्ण सदस्यहरूले जुटाएको रकम प्रदान गरिएको हो ।

तेह्रथुमका प्रतिभाको प्रोत्साहनको लागि प्रदान गरिएको कार्यक्रममा बाल प्रतिभा केहेरसिंहका बुबा निरबहादुर थेगुवा तथा तुम्बा उपस्थित थिए । साथै गीतकार मीना सिंगक, कलाकार रेखा फागो, सिंगक समाज धरानका अध्यक्ष दिनेश सिंगकको पनि उपस्थित थियो ।

सहयोग पाएपछि उत्साहित बनेका गायक केहरसिंह लिम्बुले संस्था र पदाधिकारीहरूलाई धन्यवाद दिँदै आभार व्यक्त गरेका छन् । उनले आफ्नो सामाजिक सञ्जाल फेसबुकमा लेखेका छन्, ‘मलाई यो सहयोगले अत्यन्तै ठुलो सहयोग र ऊर्जा मिलेको छ ।’

केहरसिंह लिम्बु तेह्रथुमको म्याङ्लुङ नगरपालिकामा पर्ने जिरिखिम्ती बजारका बाल गायक हुन् । उनलाई चर्चित युट्युबर भाग्य न्यौपानेले पहिलोपटक युट्युबमार्फत सार्वजनिक गरेका थिए । लिम्बू पछिल्लो समयमा धेरै कार्यक्रमहरू तथा अन्तर्वार्ताहरूमा व्यस्त बन्न थालेका छन् ।

गीतकार मीना सिङ्गकले गायक केहरसिंहले राम्रो सङ्गीतको ज्ञान समयमै पाएमा झन् उचाई प्राप्त गर्न सक्ने भन्दै सहयोग गर्न आएको बताइन । उनले भनिन्, ‘चिनिएको प्रतिभालाई सबैले सकेको हौसला दिनुपर्छ । आज त्यस्तै हौसला तेह्रथुम युके समाजले दिएको छ । अरूले पनि सकेको सहयोग गरेमा केहरसिंहलाई साङ्गीतिक क्षेत्रमा धेरै ऊर्जा प्राप्त हुनेछ । जसको फाइदा नेपाली साङ्गीतिक क्षेत्रले लिन सक्छ ।’

Leave a Reply

Your email address will not be published. Required fields are marked *