ईतिहास

नेपाली राजनैतिक ईतिहासमा जनयोद्धा रामप्रसाद राईका चार प्रमुख योगदानहरु

भोगीराज चाम्लिङ रामप्रसाद राईको बारेमा हामी सबै परिचित छौं । उहाँको बारेमा धेरै भनिरहनु जरुरी छैन । उहाँको व्यक्तिगत जीवन, राजनीतिक संघर्षका कुरामा प्रवेश नगरीकन म सिधै उहाँका योगदानहरु के के हुन् जुन योगदानले उहाँलाई राष्ट्रिय विभूति घोषणा गर्न सकिन्छ भनेर तीन/चारवटा कुरा राख्छु । मैले रामप्रसाद राईले यो देशका लागि चारवटा मुख्य योगदान गर्नुभएको देखेको छु । पहिलो  २००७ साल मंसिर ११ गते भोजपुरमा केही राजनीतिक व्यक्तित्वहरु, दोस्रो विश्वयुद्धबाट फर्किएका योद्धाहरु र रामप्रसाद राईलगायत मिलेर एउटा गोप्य बैठक बस्नुभएको थियो । त्यो बैठकले अब राणाहरुविरुद्ध संघर्ष गर्ने र संघर्षको सैनिक नेतृत्व वा जनमुक्ति सेनाको नेतृत्व रामप्रसाद राईले गर्ने भन्ने